काठमाडौं । भारतीय अभिनेत्री रश्मिका मन्दानाले आफ्नो २२ औं फिल्मको रुपमा यसैसाता ‘पुष्पा २’ को छायांकन सकाएकी छन् । डिसेम्बर २०२३ मा रिलिज भएको ‘एनिमल’पछि सफलताको यात्रा गरिरहेकी उनी पछिल्लो समय भारतकी व्यस्त अभिनेत्री हुन् ।
‘अन्ततः मैले मेरो २२ फिल्म सकेकी छु । मलाई यहाँसम्म आइपुग्न २२ फिल्म लाग्यो । मेरा लागि यो कठिन काम थियो र यात्रा पनि । आज मैले मानिसलाई मेरो कथा लेख्न, ठूला फिल्म र राम्रा कथामा मलाई विश्वास गर्न सुविधा दिएकी छु,’ उनले भनिन् ।
‘सबै कुरा राम्रो हुँदैछ । हामीले फिल्डमा झण्डै ५० दिन बिताएका छौं र अझै धेरै गर्न बाँकी छ । मेरा दर्शकलाई यो काम पहिलेभन्दा अहिलेसम्मकै ठूलो हुन गइरहेको प्रतिबद्धता जनाउन चाहन्छु,’ रश्मिका भन्छिन्, ‘धेरै काम गरिएको छ । धेरै ध्यान दिइएको छ । प्रत्येक पात्रमा केन्द्रित भएर काम गरेका छौं । यो निकै रोचक हुनेवाला छ ।’
‘मलाई लाग्छ कि अब हामीले यो उद्योगलाई भारतीय फिल्म उद्योग भनेर बोलाउन थाल्ने बेला आएको छ । किनभने हामी सबैजना मनोरञ्जन उद्योगमा छौं । हामी सबै एक देशका हौं । हामीले हाम्रो देशका सबै उद्योग उस्तै छन् भनेर स्वीकार्ने बेला हो यो,’ उनी भन्छिन्, ‘हामी यहाँ सुन्दर फिल्म बनाउन र राम्रा कथा भन्न आएका छौं । कठिनाइ पार गर्यौं । मानिस जहाँका भएपनि उनीहरु विभिन्न उद्योग र विभिन्न भाषामा सँगै काम गरिरहेका छन् । परिवर्तनको हिस्सा भएकोमा म साँच्चै खुसी छु ।’
